Baş sahypa
\
Jemgyýet
\
Magtymguly Pyragynyň gyrgyz dilindäki goşgular ýygyndysynyň tanyşdyrylyş dabarasy
Jemgyýet
Magtymguly Pyragynyň gyrgyz dilindäki goşgular ýygyndysynyň tanyşdyrylyş dabarasy
Çap edildi 17.10.2024
2184

Şu gün Türkmenistanyň Daşary işler ministrliginiň Halkara gatnaşyklary institutynda nusgawy şahyr Magtymguly Pyragynyň gyrgyz diline terjime edilen goşgular ýygyndysynyň tanyşdyrylyş dabarasy geçirildi. Utgaşykly görnüşde geçirilen çärä Gyrgyz Respublikasynyň medeniýet, maglumat, sport we ýaşlar syýasaty ministri, daşary döwletleriň Türkmenistandaky diplomatik wekilhanalarynyň ýolbaşçylary, iki ýurduň ylym-bilim ulgamynyň wekilleri, professor-mugallymlar, talyplar, köpçülikleýin habar beriş serişdeleriniň wekilleri gatnaşdylar.

Institutyň eýwanynda Türkmenistanyň, Gazagystanyň, Gyrgyzystanyň, Täjigistanyň, Özbegistanyň amaly-haşam sungatynyň we medeni mirasynyň eserleriniň sergisi ýaýbaňlandyryldy.

Mälim bolşy ýaly, 11-nji oktýabrda Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Gyrgyz Respublikasynyň Prezidenti Sadyr Žaparow bilen duşuşygy boldy. Duşuşygyň dowamynda dostlukly ýurduň Baştutany Gahryman Arkadagymyza Magtymguly Pyragynyň gyrgyz diline terjime edilen goşgular ýygyndysyny sowgat berdi.

Akyldar şahyryň goşgularynyň dostlukly halklaryň dillerine yzygiderli terjime edilmegi onuň döredijilik mirasyna uly gyzyklanma bildirilýändiginiň aýdyň güwäsidir. Magtymgulynyň gyrgyz diline terjime edilen goşgular ýygyndysy hem iki doganlyk halkyň arasynda medeni-ynsanperwer ulgamdaky hyzmatdaşlygyň täze many-mazmun bilen baýlaşdyrylýandygyny görkezýär. Täze neşir gyrgyz okyjylarynyň dana Pyragynyň şygryýet dünýäsi bilen has giňişleýin tanyşmaklaryna mümkinçilik berýär. Onda şahyryň belent adamkärçilik häsiýetlerini wasp edýän onlarça goşgusy ýerleşdirilipdir. Çykyşlarda şahyryň goşgularynyň gyrgyz diline terjime edilmeginiň diňe bir Magtymguly Pyraga däl, eýsem, tutuş türkmen halkyna bildirilýän uly hormatyň nyşany hökmünde kabul edilendigi nygtaldy.

Gahryman Arkadagymyzyň başlangyjy hem-de hormatly Prezidentimiziň tagallalary bilen paýtagtymyzyň ajaýyp künjeginde açylan “Magtymguly Pyragy” medeni-seýilgäh toplumynda dünýä halklarynyň edebiýat we sungat wekilleri bilen bir hatarda, gyrgyz halkynyň meşhur ýazyjysy Çingiz Aýtmatowyň heýkeliniň hem oturdylmagy iki halkyň medeni durmuşynda möhüm waka bolup, dost-doganlyga, hoşniýetli goňşuçylyga esaslanýan döwletara gatnaşyklary mundan beýläk-de ösdürmäge iki ýurduň uly gyzyklanma bildirýändigini görkezdi. Şunuň bilen baglylykda, Çingiz Aýtmatowyň: “Häzirki wagtda Magtymgulynyň ady köp dillerde ýaňlanýar. Bu gün onuň pikirleriniň, taglymlarynyň şöhraty we meşhurlygy şahyryň ýaşan döwründäkiden köp esse artdy” diýip bellemegi akyldar şahyryň edebi mirasynyň milli çäklerden çykyp, dünýä derejesinde ykrar edilýändigini tassyklaýar.

Soňky habarlar
23.10
Birleşen Milletler Guramasynyň 80 ýyllygyna bagyşlanan maslahata gatnaşyjylara
22.10
Türkmenistanyň Prezidenti Hindistan Respublikasynyň Adatdan daşary we Doly ygtyýarly ilçisini kabul etdi
22.10
Türkmenistanyň Prezidenti «ENOC» hem-de «Dragon Oil» kompaniýalarynyň ýolbaşçylaryny kabul etdi
22.10
Halkara nebitgaz forumy: innowasiýalar we özara bähbitli hyzmatdaşlygyň mümkinçilikleri
22.10
«Türkmenistanyň nebiti we gazy — 2025» atly halkara maslahata we sergä gatnaşyjylara
21.10
Hormatly Prezidentimiziň adyna gelen hatlar
21.10
Türkmenistanyň Prezidenti Ýaponiýanyň saýlanylan Premýer-ministrini gutlady
21.10
«Demokratiýa we hukuk» žurnalynyň nobatdaky sany
21.10
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Arkadag şäheriniň gurluşygynyň barşy we taýýarlanan taslamalar bilen tanyşdy
20.10
Gahryman Arkadagymyz Arkadagyň ak ýoly bilen Serhetabat — Hyrat gaz geçirijisiniň nobatdaky tapgyryna ak pata berdi
top-arrow