1637
Hormatly hanym Ogulgerek Berdimuhamedowa!
Sizi 2023-nji ýylyň 9-njy noýabrynda Daşkent şäherinde geçiriljek «Merkezi Aziýada howanyň üýtgemegi ugrunda çagalaryň we ýaşlaryň hereketi» atly halkara foruma gatnaşmaga çagyrmagy özüme uly hormat hasaplaýaryn.
«Zamin» halkara jemgyýetçilik gaznasy tarapyndan BMG-niň Çagalar gaznasy (ÝUNISEF) bilen bilelikde guralýan bu çäre Çagalary goramagyň bütindünýä gününe bagyşlanýar.
Daşky gurşawy goramagyň, ekologik durnuklylygy üpjün etmegiň we howanyň üýtgemeginiň zyýanly täsirleriniň öňüni almagyň häzirki döwrüň möhüm meselelerine öwrülýändigini bellemek gerek. Forumyň esasy maksady ekologik meseleleri çözmäge çagalaryňdyr ýaşlaryň gatnaşmagyny artdyrmakda öňdebaryjy pikirleri hem-de tejribeleri alyşmakdan, daşky gurşawa aýawly çemeleşmek boýunça milli, sebit we ählumumy tagallalary birleşdirmekden ybaratdyr.
Siz hem bu halkara forumyň işine gatnaşyp, çykyş edersiňiz hem-de baý tejribäňizi paýlaşarsyňyz diýip umyt edýärin.
Pursatdan peýdalanyp, Size we Siziň maşgalaňyza berk jan saglyk, abadançylyk, uly üstünlikleri arzuw edýärin.
Çuňňur hormatlamak bilen,
Ziroat Mirziýoýewa,
Özbegistan Respublikasynyň Prezidentiniň maşgalasy.
