Şu gün, Türk­me­nis­ta­nyň Sag­ly­gy go­ra­ýyş we der­man se­na­ga­ty iş­gär­le­ri­niň gü­nü­niň öň ýa­nyn­da Le­bap we­la­ýa­ty­nyň do­lan­dy­ryş mer­ke­zin­de tä­ze dur­muş mak­sat­ly des­ga­la­ryň — kö­pu­gur­ly has­sa­ha­na­nyň hem-de ýa­şa­ýyş jaý top­lu­my­nyň ulan­ma­ga be­ril­me­gi my­na­sy­bet­li da­ba­ra­lar bol­dy. Hor­mat­ly Pre­zi­den­ti­miz Gurbanguly Berdimuhamedow şeý­le des­ga­la­ryň gur­lu­şy­gy­nyň bar­şy­na ola­ryň äh­li mö­hüm tap­gyr­la­ryn­da, şol san­da des­ga­lar gur­lan­da we en­jam­laş­dy­ry­lan­da hut özi gö­zeg­çi­lik ed­ýär. Hu­su­san-da, ge­çen ýy­lyň 23-nji ýan­wa­ryn­da mil­li Li­de­ri­miz ýur­du­my­zyň gün­do­gar we­la­ýa­ty­na iş sa­pa­ry­nyň bar­şyn­da Türk­me­na­ba­dyň gü­nor­ta bö­le­gin­dä­ki gur­lu­şyk meý­dan­ça­syn­da iş­le­riň ýag­da­ýy bi­len ta­nyş­dy. Bu ýer­de Mer­ke­zi Azi­ýa­da we ýur­du­myz­da örän uly kö­pu­gur­ly we­la­ýat has­sa­ha­na­sy gu­rul­ýar­dy. Döw­let Baş­tu­ta­ny­myz 47,6 müň ine­dör­dül metr­den gow­rak meý­da­ny eýe­le­ýän luk­man­çy­lyk mer­ke­zi­niň çäk­le­ri­ni syn­lap, bu öz­bo­luş­ly eda­ra­nyň müm­kin­çi­lik­le­ri di­ňe tu­tuş ýur­du­myz­dan däl-de, eý­sem, da­şa­ry döw­let­ler­den, oza­ly bi­len, goň­şy ýurt­lar­dan, şol san­da Ow­ga­nys­tan­dan nä­sag­la­ry ka­bul et­mä­ge müm­kin­çi­lik be­rer di­ýip bel­le­di. Şol gün hor­mat­ly Pre­zi­den­ti­mi­ze ýö­ri­te­leş­di­ri­len bö­lüm­le­riň en­çe­me­si­ni öz içi­ne al­ýan kö­pu­gur­ly has­sa­ha­na­nyň dü­zü­mi plan­şet­ler­de we ma­ket­ler­de gör­ke­zil­di. Döw­let Baş­tu­ta­ny­myz de­giş­li ýol­baş­çy­la­ra tä­ze luk­man­çy­lyk mer­ke­zi­ne da­şa­ry ýurt­ly nä­sag­la­ryň gel­me­gi bi­len bag­ly äh­li gu­ra­ma­çy­lyk me­se­le­le­ri­ni göz öňün­de tut­ma­gy tab­şyr­dy, şeý­le hem yl­my-usu­ly­ýet we iş­gär­ler, has­sa­ha­na­da iş­le­mek üçin ýo­ka­ry de­re­je­li hü­när­men­le­ri çek­mek, paý­tag­ty­my­zyň we da­şa­ry ýurt­la­ryň ugur­daş has­sa­ha­na­la­ry bi­len ýa­kyn gat­na­şyk­la­ry ýo­la goý­mak bo­ýun­ça gör­kez­me­le­ri ber­di. Bu­la­ryň hem­me­si ýur­du­myz­da hal­ky­my­zyň sag­ly­gy­ny go­ra­ma­ga we aba­dan­çy­ly­gy­na, her bir ra­ýa­tyň bäh­bit­le­ri­niň go­ral­ma­gy­na uly ün­süň be­ril­ýän­di­gi­niň aý­dyň su­but­na­ma­sy­dyr. Bu bol­sa, Ber­ka­rar döw­le­ti­mi­ziň bag­ty­ýar­lyk döw­rün­de döw­let sy­ýa­sa­ty­nyň ile­ri tu­tul­ýan ugur­la­ry bo­lup dur­ýar. Sag­ly­gy go­ra­ýyş mer­ke­zi­niň açy­lyş da­ba­ra­sy uly baý­ram­çy­ly­ga öw­rü­lip, oňa şä­her we we­la­ýat hä­kim­lik­le­ri­niň we­kil­le­ri, Türk­me­na­ba­dyň hor­mat­ly ýa­şu­lu­la­ry, köp­san­ly ýa­şaý­jy­la­ry gat­naş­dy­lar. Ho­wa şar­la­ry we dür­li reňk­li toý bag­la­ry, çar­çu­wa­ly şy­gar­lar bi­len be­ze­len be­je­riş bi­na­la­ryň ýa­nyn­da eziz Wa­ta­ny­my­zy hem-de hä­zir­ki döw­re mah­sus bo­lan aja­ýyp öz­gert­me­le­ri wasp ed­ýän aý­dym­lar we saz­lar ýaň­la­nyp, dö­re­di­ji­lik to­par­la­ry joş­gun­ly tans­la­ry ýe­ri­ne ýe­tir­di­ler. Luk­man­çy­lyk mer­ke­zi kö­pu­gur­ly has­sa­ha­na­ny we ýo­kanç ke­sel­le­ri has­sa­ha­na­sy­ny, şeý­le hem luk­man­lar üçin ýa­şa­ýyş jaý top­lu­my­ny öz içi­ne al­ýar. Bu iri ma­ýa go­ýum tas­la­ma­sy hu­su­sy kär­ha­na — Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­sy ta­ra­pyn­dan ama­la aşy­ryl­dy. 676 orun­lyk 5 gat­ly baş bi­na­da gaý­ra­go­ýul­ma­syz tiz kö­mek, anes­te­zio­lo­gi­ýa-rea­ni­ma­si­ýa, an­giog­ra­fi­ýa, pul­mo­no­lo­gi­ýa, en­dok­ri­no­lo­gi­ýa, gast­roen­te­ro­lo­gi­ýa, fi­zio­te­ra­pi­ýa, ge­mo­gia­liz, ren­ge­no­lo­gi­ýa, of­tal­mo­lo­gi­ýa, hi­rur­gi­ýa, kar­dio­lo­gi­ýa, oto­ri­no­la­rin­go­lo­gi­ýa, nef­ro­ge­ma­to­lo­gi­ýa, neý­ro­hi­rur­gi­ýa, new­ro­lo­gi­ýa, mer­ke­zi we pe­ri­fe­ri­ki nerw ul­ga­my­nyň ke­sel­le­ri, oňur­ga pa­to­lo­gi­ýa­sy, rew­ma­to­lo­gi­ýa, tok­si­ko­lo­gi­ýa, traw­mo­to­lo­gi­ýa we or­to­pe­di­ýa, uro­lo­gi­ýa, şeý­le hem traw­mo­to­lo­gi­ýa bö­lü­mi, gan ban­ky, bar­lag­ha­na we beý­le­ki­ler bar. Ola­ryň üp­jün­çi­li­gi jem­gy­ýet­çi­lik sag­ly­gy go­ra­ýyş ul­ga­my­nyň äh­li de­re­je­le­rin­de döw­re­bap en­jam­la­ry or­naş­dyr­mak bo­ýun­ça hor­mat­ly Pre­zi­den­ti­miz Gurbanguly Berdimuhamedowyň öň­de go­ýan we­zi­pe­le­ri­ne la­ýyk gel­ýär. Kö­pu­gur­ly has­sa­ha­na­nyň üç gat­ly bi­na­syn­da 160 orun­lyk ýo­kanç ke­sel­le­ri­ni be­je­riş we öňü­ni alyş mer­ke­zi ýer­leş­di­ril­di. Bi­na­nyň bi­rin­ji ga­tyn­da nä­sag­la­ry ka­bul et­mek üçin has­sa­ha­na­nyň ka­bul ediş bö­lü­mi ýer­leş­di­ri­len we her nä­sa­gyň gü­man edil­ýän ýo­kan­jy­na la­ýyk­lyk­da aý­ra­tyn otag­lar­da ka­bul et­mek we ge­rek bo­lan­da gaý­ra­go­ýul­ma­syz luk­man­çy­lyk kö­me­gi­ni ber­mek üçin äh­li şert­ler bar. Şeý­le hem şu gat­da ho­wa-dam­ja ýo­ly ar­ka­ly geç­ýän ke­sel­li nä­sag­la­ry be­jer­mek üçin ni­ýet­le­nen bö­lüm ýer­leş­di­ril­di. Bu ýer­de nä­sag­lar üçin se­kiz sa­ny aý­ra­tyn otag­lar bar. Bu ýer­de nä­sag­la­ry gys­sag­ly ýag­daý­da ug­rat­mak ze­rur­ly­gy ýü­ze çy­kan ha­la­tyn­da luk­man­çy­lyk awia­si­ýa­sy­ny peý­da­lan­mak üçin di­ku­çar meý­dan­ça­sy gur­nal­dy, ýö­ri­te ara­gat­na­şyk ul­gam­la­ry­ny, luk­man­çy­lyk iş­gär­le­ri ta­ra­pyn­dan nä­sag­la­ryň ça­gy­ryş­la­ry­na öz wag­tyn­da ses­len­me­gi üp­jün et­mek üçin gep­le­şik en­jam­la­ry, be­je­riş iş­le­ri­niň hem-de nä­sag­la­ra hyz­mat et­me­giň hi­li­ni ýo­kar­lan­dyr­mak göz öňün­de tu­tu­lan­dyr. Baý­ram­çy­lyk da­ba­ra­la­ry­nyň bar­şyn­da hor­mat­ly Pre­zi­den­ti­miz Gurbanguly Berdimuhamedowyň adyn­dan le­bap­ly luk­man­la­ra tiz luk­man­çy­lyk kö­me­gi­ni ber­mek üçin flýuo­rog­ra­fi­ýa, gan al­mak üçin we beý­le­ki en­jam­lar bi­len üp­jün edi­len ýö­ri­te aw­tou­lag­lar sow­gat be­ril­di. Has­sa­ha­na­nyň ýa­nyn­da sag­ly­gy go­ra­ýyş ul­ga­my­nyň iş­gär­le­ri üçin ýa­şa­ýyş jaý top­lu­my hem bi­na edil­di. Onuň gur­lu­şy­gy­na 2016-njy ýy­lyň iýul aýyn­da döw­let Baş­tu­ta­ny­my­zyň gat­naş­ma­gyn­da ba­dal­ga be­ril­di. Top­lum giň 3 we 4 otag­ly öý­le­ri, en­jam­laş­dy­ry­lan aş­ha­na­la­ry, eý­wan­la­ry bo­lan ýo­ka­ry amat­lyk­ly 4 gat­ly jaý­la­ryň 6-sy­ny öz içi­ne al­ýar. Şä­her­çe 200-e go­laý maş­ga­la­nyň ýa­şa­ma­gy üçin ni­ýet­le­nen­dir. Jaý­lar mil­li bi­na­gär­li­giň ala­mat­la­ry­ny peý­da­lan­mak bi­len döw­re­bap gör­nüş­de, äh­li amat­lyk­lar göz öňün­de tu­tu­lyp, bi­na edil­di. Mu­nuň özi bol­sa mil­li Li­de­ri­miz Gurbanguly Berdimuhamedowyň mäh­ri­ban hal­ky­my­zyň aba­dan­çy­ly­gy ba­ra­da ed­ýän ýa­daw­syz ala­da­sy­nyň aý­dyň su­but­na­ma­sy­dyr. *** Ma­ry şä­he­rin­de Sag­ly­gy go­ra­ýyş we der­man se­na­ga­ty iş­gär­le­ri­niň gü­nü­ne ga­bat­la­ny­lyp, ça­ga­lar has­sa­ha­na­sy­nyň açy­lyş da­ba­ra­sy bol­dy. Hor­mat­ly Pre­zi­den­ti­miz Gurbanguly Berdimuhamedowyň oňyn öz­gert­me­le­ri ne­ti­je­sin­de hä­zir­ki dö­wür­de ýur­du­my­zyň sag­ly­gy go­ra­ýyş ul­ga­my dün­ýä ül­ňü­le­ri­niň de­re­je­si­ne ynam­ly çyk­dy. Döw­let mak­sat­na­ma­la­ry­ny dur­mu­şa ge­çir­me­giň çäk­le­rin­de ýur­du­my­zyň paý­tag­tyn­da hem-de we­la­ýat­la­ryn­da hä­zir­ki döw­rüň ta­lap­la­ry­na la­ýyk gel­ýän be­je­riş-anyk­la­ýyş mer­kez­le­ri, şy­pa­ha­na­lar, der­man se­riş­de­le­ri­ni ön­dür­ýän kär­ha­na­lar gu­rul­dy. Mu­nuň özi ila­tyň ýo­ka­ry hil­li luk­man­çy­lyk kö­me­gi­ne giň el­ýe­ter­li­li­gi­ni üp­jün ed­ýär. Hor­mat­ly Pre­zi­den­ti­miz 2015-nji ýy­lyň 30-njy ap­re­lin­de Ber­ka­rar döw­le­ti­mi­ziň bag­ty­ýar­lyk döw­rün­de sag­ly­gy go­ra­ýyş ul­ga­my­nyň mad­dy-en­jam­la­ýyn bin­ýa­dy­ny ber­kit­mek, ene­le­riň we ça­ga­la­ryň sag­ly­gy­ny go­ra­mak hem-de ola­ry öň­de­ba­ry­jy til­si­mat­ly be­je­riş-öňü­ni alyş hyz­mat­la­ry bi­len üp­jün et­mek, şeý­le hem Bir­le­şen Arap Emir­lik­le­ri­niň Ha­li­fa bin Za­ýed Al-Na­haý­ýan adyn­da­ky Gaz­na­sy bi­len Türk­me­nis­ta­nyň Sag­ly­gy go­ra­ýyş we der­man se­na­ga­ty mi­nistr­li­gi­niň ara­syn­da Ha­li­fa Bin Za­ýed Al-Na­haý­ýan adyn­da­ky Gaz­na­sy­nyň se­riş­de­le­ri­niň ha­sa­by­na Türk­me­nis­ta­nyň Ma­ry şä­he­rin­de ça­ga­lar has­sa­ha­na­sy­ny gur­mak ba­ra­da öza­ra dü­şü­niş­mek ha­kyn­da­ky Äht­na­ma­ny ýe­ri­ne ýe­tir­mek mak­sa­dy bi­len, Ka­ra­ra gol çek­di. Mil­li Li­de­ri­miz Gurbanguly Berdimuhamedowyň şu ýy­lyň mart aýyn­da Bir­le­şen Arap Emir­lik­le­ri­ne bo­lan res­mi sa­pa­ry türk­men-emir­lik­ler hyz­mat­daş­ly­gy­ny ok­gun­ly ös­dür­mek­de mö­hüm wa­ka bol­dy. Ýo­ka­ry de­re­je­de ge­çi­ri­len türk­men-emir­lik­ler gep­le­şik­le­ri­niň bar­şyn­da döw­let Baş­tu­ta­ny­myz we Abu-Da­bi­niň Mi­ras­dü­şer Şa­za­da­sy, BAE-niň Ýa­rag­ly Güýç­le­ri­niň Be­lent Ser­ker­de­ba­şy­sy­nyň orun­ba­sa­ry Şeýh Mu­ham­med Bin Za­ýed Al-Na­haý­ýan beý­le­ki mö­hüm me­se­le­ler bi­len bir­lik­de, Ma­ry şä­he­rin­de ça­ga­lar has­sa­ha­na­sy­nyň gur­lu­şy­gy­nyň iler­le­di­li­şi­ni ara alyp mas­la­hat­laş­dy­lar. Ine, şu gün mil­li Li­de­ri­mi­ziň ala­da­sy ne­ti­je­sin­de tu­tuş Ma­ry we­la­ýa­ty­nyň kör­pe­le­ri­ne hyz­mat et­mä­ge ni­ýet­le­nen tä­ze sag­ly­gy go­ra­ýyş des­ga­sy­nyň açy­lyş da­ba­ra­sy bol­dy. Sag­ly­gy go­ra­ýyş eda­ra­sy­nyň dü­zü­mi­ne hi­rur­gi­ýa, gast­roen­te­ro­lo­gi­ýa, new­ro­lo­gi­ýa we rew­mo­kar­dio­lo­gi­ýa, rea­ni­ma­si­ýa, anes­te­zio­lo­gi­ýa, anyk­la­ýyş we mas­la­hat be­riş, ka­bul ediş, bar­lag­ha­na, ra­dio­lo­gi­ýa, gan ban­ky bö­lüm­le­ri gir­ýär. Mun­dan baş­ga-da, nä­sag­la­ry dür­li ugur­ly hü­när­men­ler — of­tal­mo­log, oto­la­rin­go­log, en­dok­ri­no­log, kar­dio­log, uro­log, traw­mo­to­log-or­to­ped, sur­do­lo­g we beý­le­ki­ler ka­bul eder. Has­sa­ha­na­nyň anyk­la­ýyş we mas­la­hat be­riş bö­lü­mi elekt­roen­se­fa­log­raf, rent­gen, to­mog­raf, wi­deo­fib­rob­ron­hos­kop, fib­ro­gast­ros­kop, EKG we beý­le­ki iň tä­ze en­jam­lar bi­len üp­jün edi­len­dir. Fi­zio­te­ra­pi­ýa ota­gyn­da elekt­ro, ýy­ly­lyk we yşyk te­ra­pi­ýa­sy­nyň dür­li usul­la­ry­ny (UWÇ, elekt­ro­fo­rez, kwars we beý­le­ki­ler) ulan­mak üçin iň tä­ze en­jam­lar ýer­leş­di­ri­len­dir. Mil­li Li­de­ri­miz Gurbanguly Berdimuhamedowyň tab­şy­ry­gy­na la­ýyk­lyk­da, tä­ze luk­man­çy­lyk eda­ra­sy ýö­ri­te en­jam­la­ry çy­kar­ma­ga ýö­ri­te­leş­di­ri­len iri da­şa­ry ýurt kom­pa­ni­ýa­la­ry­nyň ýo­ka­ry ta­kyk­lyk­da­ky ke­se­li anyk­la­ýyş we be­je­riş en­jam­la­ry, şeý­le hem beý­le­ki ýö­ri­te ab­zal­lar bi­len üp­jün edil­di. Bir we iki orun­lyk otag­lar­da äh­li şert­ler dö­re­dil­di. Döw­re­bap ça­ga­lar has­sa­ha­na­sy­nyň ulan­ma­ga be­ril­me­gi ýat­dan çyk­ma­jak baý­ram­çy­lyk çä­re­si­ne öw­rül­di. Oňa ýur­du­my­zyň sag­ly­gy go­ra­ýyş eda­ra­la­ry­nyň, ýer­li hä­ki­mi­ýet eda­ra­la­ry­nyň we­kil­le­ri, hor­mat­ly ýa­şu­lu­lar, ýaş­lar, we­la­ýa­tyň köp san­ly ýa­şaý­jy­la­ry gat­naş­dy­lar. Hor­mat­ly myh­man­la­ryň ha­ta­ryn­da Bir­le­şen Arap Emir­lik­le­ri­niň Ha­li­fa bin Za­ýed Al-Na­haý­ýan adyn­da­ky Gaz­na­sy­nyň yn­san­per­wer iş­le­ri bo­ýun­ça baş di­rek­to­ry Mu­ham­met Al Hu­ri bar. Da­ba­ra my­na­sy­bet­li tä­ze des­ga­nyň aba­dan­laş­dy­ry­lan çä­gi baý­dak­lar hem-de dür­li reňk­li len­ta­lar bi­len be­zel­di. Dö­re­di­ji­lik to­par­la­ry açy­lyş da­ba­ra­sy­na gat­na­şy­jy­la­ry öz sun­ga­ty bi­len be­gen­dir­di­ler.