Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza baýramy mynasybetli Siziň Alyhezretiňize tüýs ýürekden gutlaglarymy beýan edýärin. Gudraty Güýçli Allatagaladan Size şatlyk we abadançylyk, yslam ymmatyna bolsa parahatçylyk, rowaçlyk dileýärin.

Iň gowy arzuwlar bilen,

Abdul Latif Raşid,

Yrak Respublikasynyň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňize mübärek Oraza baýramy mynasybetli tüýs ýürekden gutlaglarymy we berk jan saglyk hem-de bagtyýarlyk baradaky iň gowy arzuwlarymy ibermäge şatdyryn. Gudraty Güýçli Allatagaladan bu mübärek baýramyň bereket getirmegini, doganlyk ýurtlarymyzyň arasyndaky gatnaşyklaryň mundan beýläk-de pugtalandyrylmagyny dileýärin.

Turki bin Mohammed bin Fahad bin Abdelaziz,

Saud Arabystany Patyşalygynyň döwlet ministri,

Ministrler Kabinetiniň agzasy.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňiz!

Sizi mukaddes Oraza baýramy mynasybetli tüýs ýürekden gutlaýaryn. Bu baýram biziň umumy däp-dessurlarymyzda aýratyn orun eýeläp, umyt-arzuwlaryň, şatlygyň we ruhy taýdan täzelenişiň binýady bolup hyzmat edýär. Ol maşgala gymmatlyklarymyzy, türki we yslam dünýäsinde gatnaşyklarymyzy pugtalandyrmaga mümkinçilik berýär. Oraza baýramynyň halklarymyzyň arasyndaky doganlyk gatnaşyklaryň has-da berkidilmegine, jebislige, özara hormat goýmaga hem-de umumy maksatlara ýetmäge ýardam bermegine umyt edýärin. Türki dünýäde ähli halklaryň parahatçylygynyň, sazlaşykly ösüşiniň ýolunda doganlygyň we raýdaşlygyň mundan beýläk-de pugtalanjakdygyna ynanýaryn.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy hem-de mundan beýläk-de abadançylyk, ähli başlangyçlaryňyzda üstünlik, Türkmenistanyň halkynyň rowaçlygy we ösüşi baradaky arzuwlarymy kabul etmegiňizi haýyş edýärin!

Hormatlamak bilen,

Kubanyçbek Omuraliýew,

Türki Döwletleriň Guramasynyň Baş sekretary.