“Türkmenistanyň prokuraturasy hakyndaky” Türkmenistanyň Kanunynyň 16-njy maddasyna laýyklykda, Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly Berdimuhamedow Karara gol çekdi. Resminama laýyklykda: ýustisiýanyň geňeşçisi Döwlet Akmuhammedowiç Täşliýew Türkmenistanyň Baş prokurorynyň orunbasary, Baş müdirligiň başlygy wezipesine bellenildi; ýustisiýanyň geňeşçisi Baýramnazar Allanazarowiç Gulow Türkmenistanyň Baş prokurorynyň orunbasary, Baş müdirligiň başlygy wezipesinden boşadyldy. *** Türkmenistanyň Prezidentiniň Karary bilen, Aşgabat şäheriniň Bagtyýarlyk etrabynyň häkiminiň wezipesini wagtlaýyn ýerine ýetirmek Aşgabat şäheriniň Bagtyýarlyk etrabynyň häkiminiň orunbasary Agageldi Meretdurdyýewiç Gyşykowyň üstüne ýüklenildi.