«Türkmenistanyň prokuraturasy hakyndaky» Türkmenistanyň Kanunynyň 16-njy maddasyna laýyklykda, karar edýärin: ýustisiýanyň geňeşçisi Muhammetoraz Kakalyýewiç Gurbanowy Lebap welaýatynyň prokurory wezipesine belläp, ony Ahal welaýatynyň prokurory wezipesinden boşatmaly, ýustisiýanyň kiçi geňeşçisi Aýly Ýusupguliýewiç Orazowy Ahal welaýatynyň prokurory wezipesine belläp, ony Ahal welaýatynyň prokurorynyň orunbasary wezipesinden boşatmaly, ýustisiýanyň geňeşçisi Baýrambaý Ýagmyrowy Lebap welaýatynyň prokurory wezipesinden boşatmaly. Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly BERDIMUHAMEDOW. Aşgabat şäheri, 2019-njy ylyň 5-nji sentýabry.