Ahal welaýatynyň dolandyryş-çäk gurluşynyň üýtgemegi bilen baglylykda, Türkmenistanyň Prezidenti karara gol çekdi. Resminama laýyklykda: - Ahal welaýatynyň Babadaýhan etrap häkimligini döretmeli we gurluşyny tassyklamaly; - Ahal welaýatynyň Babadaýhan etrap häkimliginiň, Kaka, Tejen we Sarahs etraplarynyň häkimlikleriniň işgär sanyny tassyklamaly; - Ahal welaýatynyň Baharly etrap häkimliginiň adyny üýtgedip, ony Ahal welaýatynyň Bäherden etrap häkimligi diýip atlandyrmaly; - Ahal welaýatynyň Altyn asyr etrap häkimligini hem-de Kaka şäher häkimligini ýatyrmaly; Ahal welaýatynyň häkimligine Türkmenistanyň Adalat ministrligi bilen bilelikde şu karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri 1 aý möhletde taýýarlamak hem-de Türkmenistanyň Ministrler Kabinetine bermeli. *** Aşgabat şäheriniň dolandyryş-çäk gurluşynyň üýtgemegi bilen baglylykda, Türkmenistanyň Prezidenti karara gol çekdi. Resminama laýyklykda: - Aşgabat şäheriniň Arçabil etrap häkimliginiň adyny üýtgedip, ony Aşgabat şäheriniň Büzmeýin etrap häkimligi diýlip atlandyrmaly; - Aşgabat şäheriniň Bagtyýarlyk we Büzmeýin etrap häkimlikleriniň gurluşy hem-de işgär sanyny tassyklamaly; - Aşgabat şäheriniň Abadan we Ruhabat etraplarynyň häkimliklerini ýatyrmaly; Aşgabat şäheriniň häkimligine Türkmenistanyň Adalat ministrligi bilen bilelikde şu karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri 1 aý möhletde taýýarlamak hem-de Türkmenistanyň Ministrler Kabinetine bermeli.