Baş sahypa
\
Sport
\
Aziýanyň çempionlarynyň hatarlary dolýar
Sport
Aziýanyň çempionlarynyň hatarlary dolýar
Çap edildi 14.08.2017
2805

Ýurdumyzyň ýygyndy topary Eýranda geçirilen kuraş boýunça ýaşlaryň Aziýa çempionatynda çykyş edip, dokuz medala eýe boldy. Aziýa çempionatyna 11 ýurtdan iň gowy türgenleriň 110-sy ýygnandy. Muňa garamazdan, türkmen türgenleri ýokary ussatlyk derejesini görkezip, bir altyn, bir kümüş hem-de ýedi bürünç medala mynasyp boldular. Sportuň başa-baş söweş sungatlary görnüşi boýunça güýçli hasaplanýan Koreýa Respublikasy, Taýwan, Hindistan, Wýetnam, Eýran, Yrak, Liwan we beýleki ýurtlaryň toparlarynyň arasynda umumytoparlaýyn hasapda üçünji ornuň eýelenmegi hem ýokary görkezijidir. Ildeşimiz Şamuhammet Gurbanowyň hormatyna Türkmenistanyň Döwlet senasynyň belentden ýaňlanmagy onuň uly sport ýeňşini dabaralandyrdy. Şamuhammet 60 kilogram agram derejesinde çykyş edip Watanymyza altyn medal hem-de Aziýanyň çempiony diýen belent at bilen dolanyp geldi. Şol agram derejede çykyş eden Atabeg Begmyradow kümüş medal bilen ikinji orna mynasyp boldy. Merdan Hamraýewe (73 kg), Eziz Amanowa (81 kg), Myrat Garaýewe (81 kg), Ulugbek Gurbanowa (90 kg), Sylap Rozyweliýewe (90 kg), Arzuw Hallyýewe (100 kg) we Mehmetkerim Nazarowa (100 kg-dan ýokary) dabaraly ýagdaýda bürünç medallar gowşuryldy. Milli ýygyndy toparymyzyň kuraş boýunça ýakyn geljekki ätiýaçlygy bolan ýaşlar toparynyň gazanan netijeleri “Aşgabat 2017” oýunlarynyň maksatnamasyna girýän sportuň bu görnüşiniň mundan beýläk-de ösdürilmegi üçin oňat mümkinçilikleriň bardygyna şaýatlyk edýär.

Soňky habarlar
29.08
Türkmenistanyň Ministrler Kabinetiniň mejlisi
29.08
Türkmenistanyň Prezidenti bilen Koreýa Respublikasynyň Prezidentiniň arasynda telefon arkaly söhbetdeşlik
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
top-arrow