Baş sahypa
\
Sport
\
Balkanabadyň alpinistlery belentligine çalt çykmakda Türkmenistanyň kubogynyň ikinji tapgyrynda öňdeligi eýeledi
Sport
Balkanabadyň alpinistlery belentligine çalt çykmakda Türkmenistanyň kubogynyň ikinji tapgyrynda öňdeligi eýeledi
Çap edildi 23.05.2017
3099

Uly Balkan gerşiniň belentligine – Balkan welaýatyndaky Arlan dagyna belentlige çalt çykmak skaýranning boýunça Türkmenistanyň Kubogynyň şu ýylda geçirilen ikinji tapgyry boldy. Bäsleşikleri Türkmenistanyň Sport baradaky döwlet komitetiniň howandarlygynda “Agama” we “Mert” alpinist klublary geçirýär. Ylgaw ugurlary täsin öwrüm-öwrüm ýodajyklar bilen dag eteginden onuň belentligine çenli 850 metrden hem geçýän belentlikleriň çalyşmagynda alty kilometr aralyga uzady. Ýaryşyň pellehanasy deňiz derejesinden bir müň sekiz ýüz metrden gowrak bellikde seýrek arça tokaýlygynyň arasynda ýerleşýärdi. Ylgawyň ugry gerşiň demirgazyk tarapyndan geçýän bolsa-da tomsuň golaýlap geleni duýulýardy. Türgenler diňe bir öz erkiniň hem-de kert belentlige galýan ýollaryň synagyna däl-de, eýsem aýry-aýry ýerlerde otuz gradusdan hem geçýän yssy howa hem döz gelmeli bolýardylar. Ýaryşa badalga berlenden 48 ýarym minut geçenden soň Balkanabatdan Ýazgeldi Ödeniýazow ilkinji bolup pellehana geldi. Ol şu ýyl Duşakerikdag belentligine çykmakda hem ilkinji orny eýeläp, ýurdumyzyň kubogyna eýe bolmaga oňat şert döretdi. Hormat münberiniň beýleki iki ornuny paýtagtymyzyň topary eýeledi. Ýeňijiden iki minut yza galyp Arslan Annamämmedow pellehana ikinji bolup geldi. Ýurdumyzyň kubogyna geçen ýyl eýe bolan Alekper Ahmedow üçünji orny eýeledi. Zenanlaryň arasyndaky bäsleşik hem çylşyrymly häsiýete eýe boldy, munda hem balkanlylar öňdeligi eýelediler. Öýüňde diwarlar hem kömek edýär diýien nakyly başgaçarak aýtsak, öz ýeriňde gaýalar hem kömek edýär. Pellehana ilkinji bolup Gözel Ataýewa geldi, ol bu aralygy bir sagat 18 minutda geçdi. Ikinji we üçünji orunlary paýtagtly türgenler Alina Panowa we Najiýa Kostowa eýelediler. Ýazky ylgaw möwsümi tamamlandy, ýurdumyzyň kubogy ugrundaky bäsleşikler Köpetdagyň üstünden geçýän Harlasang, Markou ugurlary hem-de paýtagtymyzyň Saglyk ýoly boýunça “Türkmenistan” telemerkezine çenli ýolda geçiriler. Skaýranning iňlis dilenden terjime edilende “belentlikde ylgamak”, “belentlik ylgawy” diýmegi aňladýar. Sportuň bu görnüşi ýaşdyr, emma biziň ýurdumyzda barha uly meşhurlyga eýe bolýar. Şu ýyl alpinizmiň bu ugry boýunça ýurdumyzyň kubogy ugrundaky ýaryşlar üçünji gezek geçirilýär. Bu özboluşly bäsleşikler sagdyn durmuş ýörelgesiniň tarapdarlarynyň hem-de Türkmenistanyň daglarynyň täsin görnüşleriniň gözelliklerini wagyz edýänleriň sanyny artdyrmaga mümkinçilik döredýär.

Soňky habarlar
29.08
Türkmenistanyň Ministrler Kabinetiniň mejlisi
29.08
Türkmenistanyň Prezidenti bilen Koreýa Respublikasynyň Prezidentiniň arasynda telefon arkaly söhbetdeşlik
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
top-arrow