Türkmenistanyň Prezidenti Gurbanguly Berdimuhamedow wezipä bellemek hakynda birnäçe resminama gol çekdi. Döwlet Baştutanynyň Permany bilen Gülşat Orazmuhammedowa Türkmenistanyň medeniýet ministri wezipesinden boşadyldy. Türkmenistanyň Prezidentiniň Karary bilen, Türkmenistanyň medeniýet ministriniň wezipesini wagtlaýyn ýerine ýetirmek Türkmenistanyň medeniýet ministriniň orunbasary Atageldi Aşyrowiç Şamyradowyň üstüne ýüklenildi. *** Türkmenistanyň Prezidentiniň Karary bilen, Dawut Saparmämmedowiç Orazsähedow Türkmenistanyň Ylymlar akademiýasynyň Milli golýazmalar institutynyň direktory wezipesine bellenildi. Annagurban Aşyrow pensiýa gitmegi sebäpli, Türkmenistanyň Ylymlar akademiýasynyň Milli golýazmalar institutynyň direktory wezipesinden boşadyldy.