Ýaponiýa bilen Türkmenistanyň arasynda diplomatik gatnaşyklaryň ýola goýulmagynyň 25 ýyllygy mynasybetli tüýs ýürekden çykýan gutlaglarymy kabul ediň. Türkmenistan Garaşsyzlygyny gazanan pursatyndan başlap, biziň ýurtlarymyzyň arasynda dostluk gatnaşyklary ýola goýuldy. 2009-njy ýyldan bäri döwürde Siz Ýaponiýada üç gezek bolduňyz, hususan-da, Siziň 2013-nji ýyldaky saparyňyz mahalynda umumy bahasy 1 trillion ýapon iýeninden gowrak bolan ykdysady taslamalar boýunça resminamalara gol çekildi. Bu bolsa iki ýurduň arasyndaky gatnaşyklaryň hemmetaraplaýyn esasda ösdürilmegini şertlendirdi. Şeýle hem Siz 2015-nji ýylda Sendaý şäherinde bolup, BMG-niň tebigy betbagtçylyklaryň töwekgelçiliklerini azaltmek barabaky Bütindünýä maslahatyna gatnaşdyňyz. Öz gezeginda men 2015-nji ýylda Türkmenistanda ilkinji gezek saparda boldum. Onuň dowamynda dürli ugurlarda hyzmatdaşlygy ýola goýmak boýunça bir pikire geldik. Döwlet Baştutanlarynyň derejesindäki saparlary alyşmak ýapon-türkmen gatnaşyklarynyň ösdürilmegine kuwwatly itergi berdi. Bu bolsa meni örän begendirýär. Dürli bilelikdäki ykdysady taslamalaryň durmuşa geçirilmegine, Ýaponiýanyň inžener-tehniki bilimini öňe ilerletmäge, şeýle hem ýapon dilini öwrenmäge gönükdirilen hyzmatdaşlyk gatnaşyklarynyň mundan beýläk-de çuňlaşdyrylmagyna yzygiderli goldaw berjekdigime ynandyrmak isleýärin. Türkmenistanyň häzirki döwürde başlyklyk edýän “Merkezi Aziýa+Ýaponiýa” gatnaşyklarynyň çäklerinde ýapon-türkmen dostluk hyzmatdaşlygynyň mundan belýäk-de çuňlaşdyryljakdygyna we ösdüriljekdigine ynam bildirýärin.