Türkmenistanda täze döredilen etraplaryň halk maslahatlarynyň agzalygyna hem-de ygtyýarlyk möhletinden öň çykyp giden Türkmenistanyň Mejlisiniň deputatlarynyň, welaýat, etrap, şäher halk maslahatlarynyň we geňeşleriň agzalarynyň ýerine geçirilýän saýlawlar boýunça ses bermek 2026-njy ýylyň 29-njy martynda saýlaw uçastoklarynyň 578-siniň hemmesinde sagat 7-de başlandy we 19-da tamamlanýar.

Täze döredilen etraplaryň halk maslahatlarynyň agzalarynyň saýlawlary boýunça 357666, Türkmenistanyň Mejlisiniň deputatlarynyň saýlawlary boýunça 140211, welaýat, Aşgabat şäher halk maslahatlarynyň agzalarynyň saýlawlary boýunça 52296, etrap, şäher halk maslahatlarynyň agzalarynyň saýlawlary boýunça 43693 we geňeşleriň agzalarynyň saýlawlary boýunça 109027 saýlawçy hasaba alyndy.