Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Siziň Alyhezretiňiz!

Oraza baýramy mynasybetli Size we Türkmenistanyň halkyna gutlaglarymy, iň gowy arzuwlarymy beýan edýärin. Hindistanyň yslam dinine uýýan 200 milliondan gowrak ilaty mukaddes aýyň dowamynda agyz bekläp, dünýädäki beýleki musulman doganlaryna goşulyşyp, doga-dileg etdiler. Bu baýram rehimdarlyk, jomartlyk, raýdaşlyk ýaly gymmatlyklary özünde jemleýär. Şu ýakymly pursatda Ýer ýüzündäki ähli adamlaryň asudalygyny, agzybirligini, bagtyýarlygyny dileýäris. Goý, biziň ýurtlarymyzyň arasyndaky dostlukly gatnaşyklar has-da pugtalansyn!

Siziň Alyhezretiňize tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin.

Narendra MODI,
Hindistan Respublikasynyň Premýer-ministri.

***

Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Hormatly jenap Prezident!

Oraza baýramy mynasybetli tüýs ýürekden gutlaglarymy kabul etmegiňizi haýyş edýärin. Beýik Biribardan mukaddes Oraza aýynyň dowamynda tutan orazalarymyzy, eden doga-dileglerimizi, haýyr işlerimizi kabul etmegini hem-de adamlaryň arasyndaky doganlyk gatnaşyklary pugtalandyrmagyny dileýärin.

Ýurtlarymyza we halklarymyza, şeýle hem ähli musulman ymmatyna parahatçylyk, bagtyýarlyk arzuw edýärin.

Ramzan KADYROW,
Russiýa Federasiýasynyň Çeçen Respublikasynyň Baştutany.