Arkadagly Gahryman Serdarymyz!

Siziň başlangyçlaryňyz bilen Garaşsyz, baky Bitarap Türkmenistan belent sepgitlere ýetýär, taryhy ösüşlere eýe bolýar. Milli ykdysadyýetiň dürli ugurlarynda uly özgertmeler amala aşyrylýar, döwletimiz ýagty geljege, has beýik ösüşlere tarap ynamly barýar. Häzirki wagtda geçmiş taryhymyz ebedileşdirilip, milli ýolumyz döwrebap derejede dowam etdirilýär.

Öz oý-pikirlerimi jemläp, ençeme maglumatlary seljerip, halkymyzyň bütin taryhyň dowamynda döreden hem-de häzirki nesillere miras galdyran milli gymmatlyklaryna, şan-şöhratly ýoluna, taryhda uly yz galdyran şahsyýetlerimize bagyşlap, «Hakyda göwheri» atly täze kitabymy ýazyp tamamladym.

Hormatly Prezidentimiz!

«Pähim-paýhas ummany Magtymguly Pyragy» ýylynda neşir edilen «Hakyda göwheri» atly bu kitabymyň ilkinji nusgasyny sowgat hökmünde kabul etmegiňizi Sizden haýyş edýärin.

«Watan diňe halky bilen Watandyr! Döwlet diňe halky bilen döwletdir!» diýip belleýşiňiz ýaly, halkymyz ýurdumyzyň at-abraýyny belende göterýär. Häzirki wagtda tutuş dünýäde türkmen halkynyň taryhyna uly gyzyklanma bildirilýär, ýurdumyzyň döwletli döwranyna, ösüşli gadamlaryna ýokary baha berilýär.

Biziň taryhy ýadygärliklerimiz, maddy we ruhy gymmatlyklarymyz umumadamzat medeni genji-hazynasyndan uly orun alýar, halkara ykrarnama eýe bolýar. Türki medeniýetiň halkara guramasy (TÜRKSOÝ) tarapyndan 2024-nji ýylyň «Türki dünýäsiniň beýik şahyry we akyldary Magtymguly Pyragy ýyly», şeýle hem bu ýylda Änew şäheriniň «Türki dünýäsiniň medeni paýtagty» diýlip yglan edilmegi hem her bir türkmenistanly üçin uly bagtdyr. Bu üstünliklerimizi beýan etmek bolsa meniň üçin uly mertebedir.

Arkadagly Gahryman Serdarymyz!

Pursatdan peýdalanyp, «Hakyda göwheri» atly täze kitabymy ýollamak bilen, Size berk jan saglyk, uzak ömür, alyp barýan döwletli işleriňizde diňe rowaçlyklary arzuw edýärin.

Çuňňur hormatlamak bilen,

Türkmen halkynyň Milli Lideri,
Türkmenistanyň Halk Maslahatynyň Başlygy
Gurbanguly BERDIMUHAMEDOW.