Onuň Alyhezreti, türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly BERDIMUHAMEDOWA

Hormatly Gurbanguly Mälikgulyýewiç!

Sizi ýetip gelýän Täze ýyl baýramy bilen tüýs ýürekden gutlaýaryn.

Döwletlerimiziň arasyndaky gatnaşyklar çuňlaşdyrylan strategik hyzmatdaşlyk derejesine çykaryldy. Parlamentara gatnaşyklar olaryň möhüm bölegidir we Siz bu gatnaşyklaryň pugtalandyrylmagyna uly şahsy goşandyňyzy goşýarsyňyz.

Moskwanyň hem-de Aşgabadyň ähli ugurlarda netijeli hyzmatdaşlygy mundan beýläk-de yzygiderli ösdürjekdigine, sebitde durnuklylygy, howpsuzlygy pugtalandyrmagyň bähbidine tagallalary birleşdirjekdigine ynanýaryn.

Size we Siziň ýakynlaryňyza tüýs ýürekden berk jan saglyk, abadançylyk, üstünlik, Türkmenistanyň halkyna bolsa bagtyýarlyk, rowaçlyk arzuw edýärin.

Hormatlamak bilen,

Wladimir PUTIN,
Russiýa Federasiýasynyň Prezidenti.

***

Onuň Alyhezreti, türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly BERDIMUHAMEDOWA

Siziň Alyhezretiňiz hormatly Gurbanguly Mälikgulyýewiç!

Sizi BMG-niň Merkezi Aziýa üçin öňüni alyş diplomatiýasy boýunça sebit merkeziniň adyndan we hut öz adymdan täze — 2024-nji ýyl mynasybetli gutlamaga şatdyryn.

Türkmenistanyň başlangyjy boýunça «Parahatçylygyň kepili hökmünde dialogyň halkara ýyly» diýlip yglan edilen ýylda sebit hyzmatdaşlygy işjeňleşdirildi, Merkezi Aziýa sebitinde hem-de onuň çäkleriniň daşynda parahatçylyk medeniýetiniň pugtalandyrylmagyna, ynanyşmak we özara düşünişmek gurşawynyň kemala getirilmegine uly goşant goşuldy.

Ýokary wekilçilikli edaranyň ýolbaşçysy hökmündäki işiňiziň döwlet üçin möhüm jemgyýetçilik-syýasy çözgütleri kabul etmekde Türkmenistanyň halkynyň bähbidine täze mümkinçilikleri açjakdygyna berk ynanýaryn.

Türkmenistan Merkezi Aziýa sebitinde we ählumumy derejede möhüm wezipeleriň özara kabul ederlikli çözgütlerini gözlemekde sebit hem-de sebitara dialogy, hyzmatdaşlygy pugtalandyrmakda Birleşen Milletler Guramasynyň eýeleýän ornuna möhüm ähmiýet berýär. Sebit merkeziniň alyp barýan işine berýän goldawyňyz üçin aýratyn hoşallyk bildirmek isleýärin.

Hormatly Gurbanguly Mälikgulyýewiç, Size berk jan saglyk, abadançylyk, Türkmenistanyň gülläp ösmeginiň bähbidine alyp barýan jogapkärli döwlet işiňizde uly üstünlikleri arzuw edýärin!

Tüýs ýürekden hormatlamak bilen,

Kaha IMNADZE,
BMG-niň Baş sekretarynyň Ýörite wekili,
BMG-niň Merkezi Aziýa üçin öňüni alyş
diplomatiýasy boýunça sebit merkeziniň ýolbaşçysy.