Koreýa Respublikasynyň Milli Assambleýasynyň Başlygy Kim Çžin Pýony Türkmenistanyň «Bitaraplyk» ordeni bilen sylaglamak hakynda

Türkmenistan bilen Koreýa Respublikasynyň arasynda syýasy-diplomatik, söwda-ykdysady, medeni-ynsanperwer ugurlarda gatnaşyklary ösdürmekde, türkmen we koreý halklarynyň arasyndaky dostlukly gatnaşyklary berkitmekde bitiren hyzmatlaryny, Ýewraziýa sebitinde, şeýle-de ählumumy derejede Türkmenistanyň Bitaraplyk syýasatyny işjeň goldamak bilen, onuň halkara abraýyny ýokarlandyrmaga, parlament diplomatiýasyny ösdürmäge goşan uly şahsy goşandyny göz öňünde tutup, Koreýa Respublikasynyň Milli Assambleýasynyň Başlygy Kim Çžin Pýony Türkmenistanyň «Bitaraplyk» ordeni bilen sylaglamaly.

Türkmenistanyň Prezidenti 

Serdar BERDIMUHAMEDOW.