Baş sahypa
\
Sport
\
Türkmenistanly boksçy — Aziýanyň çempionatynyň kümüş baýragynyň eýesi
Sport
Türkmenistanly boksçy — Aziýanyň çempionatynyň kümüş baýragynyň eýesi
Çap edildi 28.04.2018
2534

Bangkokda (Tailand) tamamlanan ýetginjekleriň arasynda boks boýunça Aziýanyň çempionatynda Saparmyrat Ödäýew 64 kilograma çenli agramlyk derejede ikinji orna mynasyp boldy. Tälimçiler Serdar Hajyýewiň we Aşyrmämmet Satlykgulyýewiň şägirdi finala çenli üç duşuşyk geçirdi. 1/8 finalda biziň türgenimiz laosly boksçy bilen duşuşdy we yzygiderli hüjüm edip, garşydaşyndan üstün çykdy. Eýranly boksçy bilen bolan duşuşykda üç tapgyryň netijesi boýunça ildeşimiz ýeňiji diýlip yglan edildi. S.Ödäýew ýaponiýaly türgen bilen duşuşykda dürs urgulary köp geçirip, eminleriň biragyzdan çözgüdi bilen «çempion» diýen ady almak ugrundaky göreşi dowam etdi. Hüjümleriň sany boýunça deňeçerräk geçen çekeleşikli final duşuşygynda eminleriň ikisi deňme-deň diýen karara geldi, eminleriň biri türkmen boksçusyny ýeňiji, ikisi bolsa Gazagystanyň wekilini ýeňiji diýip yglan etdi. Bu çözgüt aýgytlaýjy boldy. Aziýanyň çempionatynyň kümüş medaly Saparmyrat Ödäýewiň uly üstünligidir, çünki ol şeýle iri halkara ýaryşlarynda ilkinji gezek çykyş etdi. Şeýlelikde, ýetginjek boksçynyň sport äleminde uly geljegi bar.

Soňky habarlar
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
24.08
Ählumumy ösüşiň we abadançylygyň bähbidine netijeli hyzmatdaşlyk
23.08
Magtymguly adyndaky Türkmen döwlet uniwersitetinde bilim işgärleriniň maslahaty geçirildi
top-arrow