Baş sahypa
\
Sport
\
Türkmenistanyň ýygyndy topary AFK-nyň final bölegine çykdy
Sport
Türkmenistanyň ýygyndy topary AFK-nyň final bölegine çykdy
Çap edildi 28.03.2018
2685

Aziýanyň Kubogy — 2019 bäsleşikleriniň saýlama oýunlarynyň soňky tapgyryndaky şowsuzlyk futbol ýygyndy toparymyza Birleşen Arap Emirliklerinde ýanwar aýynda geçiriljek ýaryşlaryň final bölegine çykmaga bökdençlik döretmedi. Bahreýniň ýygyndy topary bilen myhmançylykda geçirilen duşuşyk aýgytlaýjy häsiýete eýe bolmandy. Toparlaryň her biriniň on utugy bolup, ýeňiji “E” toparyň jemleýji görkezijisinde özüniň öňdäki ornuny üpjün edýär. Ikinji orun hem ýaryşda bäsleşigi dowam etdirmäge hukuk berýär. Bu duşuşyk biziň toparymyz üçin şowly bolmady. Oýnuň 12-nji we 24-nji minutlarynda bäsdeşler iki pökgi geçirdi. Türkmenistanyň ýygyndy topary hem howply hüjüm etdi, emma netijeli bolmady. Oýnuň ikinji ýarymy hem şeýle ýagdaýda geçdi. Netijede, 0:4 hasabynda biziň toparymyz utuldy. Bu “E” saýlama oýunlar toparynda ýurdumyzyň futbolçylarynyň Bahreýniň toparyndan ikinji ýeňlişidir. Hytaý Taýpeýi 1:0 hasabynda Singapuruň ýygyndy toparyndan üstün çykyp, üçünji orny eýeledi, emma ýaryşy dowam etdirmäge hukuk gazanyp bilmedi. Türkmen futbolçylary 10 utuk bilen toparda ikinji orny eýeläp, Aziýa Kubogynyň final bölegine çykdy. Bu netije ýygyndy toparymyzyň çykyşlarynyň taryhynda ikinji gezek ýetilen sepgitdir. Ýygyndy toparymyzyň bäsdeşleri 27-nji aprelde geçiriljek bije atyşlykda mälim bolar.

Soňky habarlar
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
24.08
Ählumumy ösüşiň we abadançylygyň bähbidine netijeli hyzmatdaşlyk
23.08
Magtymguly adyndaky Türkmen döwlet uniwersitetinde bilim işgärleriniň maslahaty geçirildi
top-arrow