Baş sahypa
\
Sport
\
Hursand Imankulyýew - boks boýunça Feliks Ştamm adyndaky XXXV halkara ýaryşynyň çempiony boldy
Sport
Hursand Imankulyýew - boks boýunça Feliks Ştamm adyndaky XXXV halkara ýaryşynyň çempiony boldy
Çap edildi 17.03.2018
2733

Polşanyň paýtagty Warşawa şäherinde mart aýynyň 12-sinden 16-sy aralygynda Feliks Ştamm adyndaky boks boýunça XXXV halkara ýaryşy geçirildi, oňa 20 ýurtdan, şol sanda türkmenistanly türgenler gatnaşdylar. Erkekleriň arasynda geçirilen bäsleşiklerde ýygyndy toparymyz umumytoparlaýyn hasapda üçünji orny eýeledi. Fewral aýynda Aşgabatda geçirilen Türkmenistanyň çempionatynda şu bäsleşiklere gatnaşmaga hukuk gazanan iň güýçli boksçylarymyz ýygyndy toparymyzyň baş tälimçisi Aleksandr Lebzýagyň ýolbaşçylygynda Polşada geçirilen ýaryşa gatnaşdylar, Hursand Imankulyýew 62 kilograma çenli agramda altyn medala mynasyp boldy. 2017-nji ýylda geçirilen Yslam oýunlarynda bürünç medala eýelän türgen çärýek finalda mongoliýaly bäsdeşinden ynamly üstün çykdy. Ýarym finalda filippinli türgen bilen bäsleşik üç bölüm dowam etdi, eminler bu gezegem ildeşimiziň ýeňiş gazanandygyny biragyzdan ykrar etdiler. Russiýaly Artur Subhankulow bilen çempionlyk ugrundaky aýgytlaýjy tutluşyk has çekeleşikli boldy. Türgenleriň ikisi hem ýeňiş gazanmak üçin güýçlerini gaýgyrmadylar, netijede türkmenistanly türgen ýaryşyň çempiony boldy. Boksçylarymyz Zarip Jumaýew (52 kilograma çenli agramda) we Arslanbek Açilow (91 kilograma çenli agramda) hem finala çykdylar, emma aýgytlaýjy duşuşyklarda bäsdeşlerinden asgyn gelip, kümüş medal eýelediler. Jabar Meýleýew iň ýeňil – 49 kilograma çenli agramda we Baky Toýçyýew iň agyr – 91 kilogramdan ýokary agramda çykyş edip, bürünç medala mynasyp boldular. Şeýlelikde, ýurdumyzyň ýygyndy topary bir altyn, iki kümüş we iki bürünç medal eýeledi. Bu ýaryş 2018-nji ýylda Indoneziýanyň Jakarta şäherinde geçiriljek Aziýa oýunlaryna taýýarlyk tapgyrlarynyň biri boldy.

Soňky habarlar
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
24.08
Ählumumy ösüşiň we abadançylygyň bähbidine netijeli hyzmatdaşlyk
23.08
Magtymguly adyndaky Türkmen döwlet uniwersitetinde bilim işgärleriniň maslahaty geçirildi
top-arrow