Baş sahypa
\
Sport
\
Saýara Awezmetowa – jiu-jitsunyň ne-waza görnüşi boýunça ýetginjekleriň arasynda dünýäniň çempiony
Sport
Saýara Awezmetowa – jiu-jitsunyň ne-waza görnüşi boýunça ýetginjekleriň arasynda dünýäniň çempiony
Çap edildi 03.03.2018
2683

Ýurdumyzyň türgenleri jiu-jitsunyň ne-waza görnüşi boýunça Abu-Dabide (BAE) geçirilen ýetginjekleriň arasyndaky dünýä çempionatynda dört medala eýe boldular. 21 ýaşa çenli ýetginjekleriň hem-de gyzlaryň arasynda 49 kilogram agram derejesinde iki medaly ýygyndy toparymyzyň ussatlary Saýara Awezmetowa we Gülbahar Madreýimowa gazandylar. Ýaryşyň deslapky tapgyrlaryndan soňra ýarym finalda olar özara duşuşdylar, şunda Saýara üstün çykdy. Ol finalda wýetnamly bäsdeşini ynamly ýeňip, öz agram derejesinde dünýäniň çempiony boldy. G.Madreýimowa bolsa Awstriýadan gelen türgenden üstün çykyp, bürünç medala eýe boldy. Biziň ýetginjeklerimiz hem iki bürünç medaly gazandylar. Isa Kasymow 18 ýaşa çenli toparlaýyn tapgyrda 46 kilogram agram derejesinde ikinji orny eýeläp, ýarym finala çykmagy başardy. Çekeleşikli göreşde ol bäsdeşinden asgyn gelip, netijede üçünji orny eýeledi. Şu ýaş toparynda ýetginjekleriň arasynda 55 kilogram agram derejesinde Maksat Rejepow hem bürünç medal gazandy. Medala barýan ýol onuň üçin çylşyrymly boldy. Çärýek finalda biziň türgenimiz dünýä çempionatynyň geljekki ýeňijisinden asgyn geldi, emma ol üçünji orun ugrunda çykyş etmäge hukuk gazandy we bu wezipäniň hötdesinden abraý bilen geldi. Abu-Dabide ýaryşlar dowam edýär. Bu bäsleşiklere jiu-jitsu boýunça ýurdumyzyň ussat türgenleriniň dokuzysynyň gatnaşýandygyny bellemek gerek.

Soňky habarlar
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
24.08
Ählumumy ösüşiň we abadançylygyň bähbidine netijeli hyzmatdaşlyk
23.08
Magtymguly adyndaky Türkmen döwlet uniwersitetinde bilim işgärleriniň maslahaty geçirildi
top-arrow