Şu ýylyň noýabr aýynda ýurdumyzda Hasyl toýy hem-de halkara medeni çäreler geçiriler. Aşgabatda Halkara pudaklaýyn sergiler we maslahatlar, şeýle-de ikinji we üçünji ongünlükde Özbegistan Respublikasynyň we Rumyniýanyň ýurdumyzdaky Medeniýet günleri guralar. Bulardan başga-da noýabr aýynda paýtagtymyzda we ýurdumyzyň welaýatlarynda döredijilik duşuşyklaryny, maslahatlary, sergileri, sungat ussatlarynyň çykyşlaryny, şol sanda döwlet Baştutanymyzyň “Türkmenistan – Beýik Ýüpek ýolunyň ýüregi” atly täze kitaby esasynda meýilleşdirilen çäreleri guramak göz öňünde tutulýar.