Onuň Alyhezreti,

Türkmenistanyň Prezidenti

jenap Serdar BERDIMUHAMEDOWA

Hormatly Serdar Gurbangulyýewiç!

Doglan günüňiz mynasybetli Sizi tüýs ýürekden gutlamak hem-de hoşniýetli arzuwlarymy beýan etmek mende uly şatlyk duýgusyny döredýär. Özbegistanda Sizi doganlyk türkmen halkynyň mynasyp hem-de hakyky watançy ogly, uly hormata eýe bolan zehinli syýasatçy hökmünde tanaýarlar. Siziň tagallalaryňyz bilen öňe sürülýän köp sanly sebit we ählumumy ähmiýetli başlangyçlaryň dünýä bileleşiginiň giň goldawyna eýe bolýandygyny bellemek ýakymlydyr.

Siziň Özbegistan bilen Türkmenistanyň arasynda köpugurly gatnaşyklaryň ösdürilmegine aýratyn üns berýändigiňizi kanagatlanma bilen nygtamak isleýärin. Biziň ýokary derejedäki dialogymyz hem-de umumy gyzyklanmalar netijesinde döwletlerimiziň arasyndaky strategik hyzmatdaşlygyň geljekde hem yzygiderli ösdüriljekdigine ynanýaryn.

Pursatdan peýdalanyp, durmuşyňyzyň ýatdan çykmajak bu ajaýyp gününde Size berk jan saglyk, maşgala abadançylygyny, bagtyýarlyk, jogapkärli döwlet işiňizde täze üstünlikleri, Türkmenistanyň doganlyk halkyna bolsa parahatçylyk, mundan beýläk-de ösüş we rowaçlyk arzuw edýärin.

Tüýs ýürekden hormatlamak bilen,

Şawkat MIRZIÝOÝEW,

Özbegistan Respublikasynyň Prezidenti.

* * *

Onuň Alyhezreti,

Türkmenistanyň Prezidenti

jenap Serdar BERDIMUHAMEDOWA

Hormatly Serdar Gurbangulyýewiç!

Doglan günüňiz mynasybetli meniň mähirli gutlaglarymy we iň gowy arzuwlarymy kabul ediň!

Türkmen halky röwşen geljegini we döwletiňiziň durnukly ösüşini Siziň adyňyz, parasatly baştutanlygyňyzda alyp barýan döredijilikli syýasatyňyz bilen berk baglanyşdyrmaga haklydyr. Watandaşlaryňyzyň goldawyna daýanyp, oňyn Bitaraplyk strategik ugruna eýerip, giň gerimli syýasy we durmuş-ykdysady özgertmeleri durmuşa geçirip, kuwwatly, gülläp ösýän döwleti gurmak babatda belent maksatlaryňyzy üstünlikli amala aşyrjakdygyňyza berk ynanýaryn.

Köpugurly gazak-türkmen gatnaşyklaryny pugtalandyrmaga goşýan şahsy goşandyňyza ýokary baha berýärin. Bilelikdäki tagallalarymyz bilen ikitaraplaýyn hyzmatdaşlygyň ägirt uly kuwwatyny, şol sanda ony Merkezi Aziýada durnuklylygyň we howpsuzlygyň bähbidine doly derejede durmuşa geçirjekdigimize ynanýaryn. Resmi sapar bilen Gazagystana gelmegiňize sabyrsyzlyk bilen garaşýaryn. Munuň özi ikitaraplaýyn gatnaşyklaryň ýyl ýazgysynda möhüm sahypany açyp, döwletara hyzmatdaşlyga kuwwatly itergi berer.

Hormatly Serdar Gurbangulyýewiç, Size egsilmez güýç-kuwwat, maşgala abadançylygyny we doganlyk Türkmenistanyň bähbidine alyp barýan jogapkärli döwlet işiňizde täze üstünlikleri arzuw edýärin!

Hormatlamak bilen,

Kasym-Žomart TOKAÝEW,

Gazagystan Respublikasynyň Prezidenti.

* * *

Onuň Alyhezreti,

Türkmenistanyň Prezidenti

jenap Serdar BERDIMUHAMEDOWA

Hormatly jenap Prezident!

Doglan günüňiz mynasybetli tüýs ýürekden gutlaglarymy beýan edýärin. Size berk jan saglyk, egsilmez güýç-kuwwat, jogapkärli döwlet işiňizde üstünlikleri arzuw edýärin.

Men Slowakiýa bilen Türkmenistanyň arasynda özara hormat goýmaga we umumy bähbitlere esaslanýan däp bolan dostlukly gatnaşyklara ýokary baha berýärin. Bilelikdäki tagallalaryň netijesinde ýurtlarymyzyň arasyndaky hyzmatdaşlygyň ösdüriljekdigine, hil taýdan täze derejä çykaryljakdygyna berk ynanýaryn.

Hormatly jenap Prezident, Size we Türkmenistanyň raýatlaryna berk jan saglyk, parahatçylyk, abadançylyk arzuw edýärin!

Size belent hormat goýýandygym baradaky ynandyrmalarymy kabul ediň!

Peter PELLEGRINI,

Slowakiýa Respublikasynyň Prezidenti.