Baş sahypa
\
Syýasy habarlar
\
Türkmenistanyň Prezidenti Eswatininiň Patyşasy bilen duşuşdy
Syýasy habarlar
Türkmenistanyň Prezidenti Eswatininiň Patyşasy bilen duşuşdy
Çap edildi 05.08.2025
1279

Şu gün hormatly Prezidentimiz Serdar Berdimuhamedow “Awaza” milli syýahatçylyk zolagynda geçirilýän BMG-niň Deňze çykalgasy bolmadyk ösüp barýan döwletler boýunça üçünji maslahatyna gatnaşmak üçin ýurdumyza gelen Eswatininiň Patyşasy Mswati III bilen duşuşdy.

Döwlet Baştutanymyz belent mertebeli myhmany mübärekläp, bu halkara maslahata gatnaşmaga çakylygy kabul edendigi üçin minnetdarlyk bildirdi hem-de her on ýyldan bir gezek geçirilýän bu möhüm çärä Eswatini Patyşalygynyň ýokary derejeli wekiliýetiniň gatnaşmagynyň ähmiýetini belledi.

Eswatininiň Patyşasy mähirli kabul edilendigi üçin hoşallyk bildirip, forumyň ýokary guramaçylyk derejesini belledi we Türkmenistanyň şeýle möhüm çäräni geçirmeginiň onuň halkara giňişlikdäki uly abraýyna şaýatlyk edýändigini aýtdy. Şeýle-de belent mertebeli myhman pursatdan peýdalanyp, Türkmenistanyň Birleşen Milletler Guramasynyň Baş Assambleýasynyň 79-njy sessiýasynyň wise-başlyklygyna biragyzdan saýlanyp, bu wezipäni abraý bilen ýerine ýetirýändigi üçin gutlaglaryny beýan etdi.

Döwlet Baştutanymyz hoşniýetli sözler üçin minnetdarlyk bildirip, Türkmenistanyň Birleşen Milletler Guramasy tarapyndan üç gezek ykrar edilen Bitaraplyk hukuk derejesi esasynda daşary ýurt döwletleri bilen dostlukly gatnaşyklary alyp barýandygyny, şunda beýleki döwletler bilen bir hatarda, Afrika ýurtlary bilen gatnaşyklara-da aýratyn üns berýändigini belledi. Dostlukly ýurduň Patyşasynyň saparynyň çäklerinde Türkmenistan bilen Eswatini Patyşalygynyň arasynda diplomatik gatnaşyklary ýola goýmak hakynda Teswirnama gol çekilmegi hem muňa aýdyň şaýatlyk edýär.

Hormatly Prezidentimiz Türkmenistanyň diňe bir ikitaraplaýyn derejede däl-de, eýsem, abraýly halkara düzümleriň, ilkinji nobatda, Birleşen Milletler Guramasynyň çäklerinde işjeň hyzmatdaşlyk etmäge taýýardygyny tassyklap, ýurtlarymyzyň arasynda söwda-ykdysady, medeni-ynsanperwer, beýleki ugurlar boýunça gatnaşyklary ösdürmek üçin uly mümkinçilikleriň bardygyny aýtdy.

Döwlet Baştutanymyz maslahatyň çäklerinde belent mertebeli myhmanyň Türkmenistan barada, hususan-da, energetika ulgamynda ýetilen sepgitler, ýurdumyzyň tebigy baýlyklary, eksport kuwwaty hakynda baý maglumatlary edinmek mümkinçiliginiň boljakdygyny belledi hem-de Türkmenistanyň Eswatini Patyşalygy bilen gatnaşyklary ösdürmek boýunça netijeli başlangyçlary we teklipleri goldamaga taýýardygyny nygtady.

Taraplar iki ýurduň arasynda diplomatik gatnaşyklaryň ýola goýulmagynyň uzak möhletli, özara bähbitli hyzmatdaşlyk üçin berk binýady döretjekdigine, Türkmenistan bilen Eswatininiň arasyndaky hyzmatdaşlygyň iki ýurduň halklaryny ýakynlaşdyrmaga ýardam berjekdigine, parahatçylygy we durnuklylygy ösdürmäge goşant goşjakdygyna ynam bildirdiler.

Duşuşygyň ahyrynda hormatly Prezidentimiz Serdar Berdimuhamedow hem-de Eswatininiň Patyşasy Mswati III birek-birege hoşniýetli arzuwlaryny beýan etdiler.

Soňky habarlar
29.08
Türkmenistanyň Ministrler Kabinetiniň mejlisi
29.08
Türkmenistanyň Prezidenti bilen Koreýa Respublikasynyň Prezidentiniň arasynda telefon arkaly söhbetdeşlik
28.08
Türkmenistanyň hemişelik Bitaraplygy — parahatçylygyň we ösüşiň binýady
27.08
Durnukly arabaglanyşyk — durnukly ösüş
27.08
Hormatly Prezidentimiziň adyna gelen hat
27.08
Türkmenistanda adam hukuklary boýunça ygyýarly wekil – Adalatçynyň işi we ýurtda adam hukuklary babatda ýagdaýyň 2024-nji ýylyň jemi boýunça maglumaty
27.08
Türkmenistanyň Prezidenti Moldowa Respublikasynyň Prezidentini gutlady
27.08
Türkmenistanyň Prezidenti Monako Knýazlygynyň Şazadasyny gutlady
26.08
Umumy abadançylygyň bähbidine döwletara hyzmatdaşlyk işjeňleşdirilýär
25.08
Parlament forumy: ählumumy hyzmatdaşlyga çagyryş
top-arrow