Baş sahypa
\
Sport
\
Aşgabatda geçirilýän halkara hokkeý ýaryşy: 2-nji tapgyryň netijeleri
Sport
Aşgabatda geçirilýän halkara hokkeý ýaryşy: 2-nji tapgyryň netijeleri
Çap edildi 16.04.2024
3522

Şu gün Aşgabatda dowam edýän halkara hokkeý ýaryşynyň ikinji tapgyrynyň oýunlary geçirildi.

Günüň ikinji ýarymynda Gyşky oýunlar sport toplumynyň uly meýdançasynda «A» toparçada «Bahrain Ice Hockey Club» bilen «Ice Box Iran Mall» (Eýran) topary oýnady.

Ilkinji döwür deň göreşde geçip, deňme-deň – 1:1 hasabynda tamamlandy. Emma soňky iki döwürde eýranly hokkeýçiler oýnuň hörpüni ele alyp, 8:1 (1:1, 4:0 we 3:0) hasabynda uly ýeňiş gazandylar.

Gyşky oýunlar sport toplumynyň kiçi meýdançasynda «B» toparçada «Akmola» (Gazagystan) bilen «Dordoi» (Gyrgyzystan) duşuşdy. Duşuşygyň barşynda gyrgyz topary üç gezek öňe saýlandy. Şeýle-de bolsa, üçünji möhletde gazagystanlylar oýny üýtgedip, zor bilen 5:3 (1:2, 1:0, 3:1) hasabynda ýeňiş gazandylar.

Şu gün irden Türkmenistanyň sekiz gezek çempiony «Galkan» 15:1 (4:0, 1:0, 10:1) hasaby bilen Omanyň «Oman Nationals» toparyny uly tapawut bilen ýeňdi. Şol bir wagtda geçen başga bir oýunda Belarus Respublikasynyň «Wolat» topary «Team-Turkiye» türk toparyny 3:0 (1:0, 0:0, 2:0) hasabynda ýeňdi.

Şeýlelikde, «A» toparçada iki tapgyrdan soň öňdeligi 6 utuk toplan «Galkan» eýeledi. Özbegistanyň «Feniks» we Eýranyň «Ice Box Iran Mall» toparlarynyň hersiniň 3 utugy bar, ýöne olar bir oýny az oýnadylar. «Bahrain Ice Hockey Club» toparynyň iki oýundan soň asla utugy ýok.

«B» toparçada iki ýeňişden soň 6 utuk toplan «Akmola» (Gazagystan) öňde barýar. «ADIHIC-Kazan» (Russiýa Federasiýasynyň Tatarystan Respublikasy) we «Wolat» (Belarus Respublikasy) toparlarynyň hersinde 3 utuk bar, ýöne bir oýundan soň. «Team-Turkiyede» iki ýeňlişden soň utuk ýok.

17-nji aprelde geçiriljek ýaryşyň üçünji tapgyrynda şu toparlar oýnar: «A» toparçada: «Galkan» (Türkmenistan) – «Ice Box Iran Mall» (Eýran), «Feniks» (Özbegistan) – «Bahrain Ice Hockey Club» (Bahreýn); «B» toparçada: «Wolat» (Belarus Respublikasy) – «Akmola» (Gazagystan), «ADIHIC-Kazan» (Russiýa Federasiýasynyň Tatarystan Respublikasy) – «Team-Turkiye» (Türkiýe).

Soňky habarlar
23.08
Magtymguly adyndaky Türkmen döwlet uniwersitetinde bilim işgärleriniň maslahaty geçirildi
22.08
Ze­nan­la­ryň müm­kin­çi­lik­le­ri­niň gi­ňel­dil­me­gi — He­re­ket­le­riň Awa­za mak­sat­na­ma­sy­ny dur­mu­şa ge­çir­me­giň mö­hüm şer­ti
22.08
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy­nyň we Azer­baý­jan Res­pub­li­ka­sy­nyň Pre­zi­den­ti­niň ara­syn­da­ky gep­le­şik­ler
22.08
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy­nyň we Öz­be­gis­tan Res­pub­li­ka­sy­nyň Pre­zi­den­ti­niň ara­syn­da­ky gep­le­şik­ler
22.08
«Türk­me­nis­tan — Azer­baý­jan — Öz­be­gis­tan» for­ma­tyn­da­ky üç­ta­rap­la­ýyn du­şu­şyk
22.08
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gynyň ýo­ka­ry de­re­je­li Türk­me­nis­tan — Azer­baý­jan — Öz­be­gis­tan du­şu­şy­gy­nyň ne­ti­je­le­ri bo­ýun­ça met­bu­gat we­kil­le­ri­ne ÝÜZ­LEN­ME­SI
22.08
Türk­me­nis­ta­nyň, Azer­baý­jan Res­pub­li­ka­sy­nyň we Öz­be­gis­tan Res­pub­li­ka­sy­nyň Bilelikdäki Beýannamasy
22.08
Hazaryň kenarynda Azerbaýjanyň we Özbegistanyň döwlet Baştutanlaryna sowgatlar gowşuryldy
22.08
Awazada Türkmenistanyň, Azerbaýjan Respublikasynyň we Özbegistan Respublikasynyň ýokary derejeli duşuşygy öz işine başlady
21.08
Aşgabatda çagalar üçin halkara sergi-ýarmarka açyldy
top-arrow