Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 28-si hasaba alyndy. Daşary ýurt puluna Birleşen Arap Emirliklerinden gelen telekeçiler Türkmenbaşydaky nebiti gaýtadan işleýän zawodlar toplumynda öndürilen binýatlyk ýagy satyn aldylar. Bulardan başga-da, daşary ýurt walýutasyna Russiýa Federasiýasyndan, BAE-den, Türkiýeden, Pakistandan, Azerbaýjandan gelen işewür toparlaryň wekillerine nah ýüplük ýerlenildi. Geleşikleriň umumy bahasy ABŞ-nyň 1 million 426 müň dollaryndan gowrak boldy. Manat serişdelerine Russiýadan, Beýik Britaniýadan,Türkiýe Respublikasyndan, Birleşen Arap Emirliklerinden, Kanadadan we Pakistandan gelen işewürler jemi bahasy 18 million 850 müň manatlykdan gowrak bolan nah ýüplügi satyn aldylar. Ýurdumyzyň telekeçileri içerki bazar üçin jemi bahasy 254 müň manatlykdan gowrak pagta süýümini satyn aldylar.