Baş sahypa
\
Jemgyýet
\
Adam hukuklaryny berjaý etmek – Türkmenistan döwlet syýasatynyň ileri tutulýan ugry
Jemgyýet
Adam hukuklaryny berjaý etmek – Türkmenistan döwlet syýasatynyň ileri tutulýan ugry
Çap edildi 17.01.2015
1844

Aşgabat, 17-nji ýanwar (TDH). Şu gün türkmen paýtagtynda Türkmenistanyň adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça Pudagara toparynyň nobatdaky mejlisi geçirildi. Türkmenistanyň Prezidentiniň ýanyndaky Demokratiýa we adam hukuklary baradaky Türkmen milli institutynda geçirilen mejlise milli parlamentiň, ministrlikleriň we pudak edaralarynyň birnäçesiniň, jemgyýetçilik guramalarynyň wekilleri çagyryldy. Duşuşygyň gün tertibine Türkmenistanyň adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek, toparyň degişli döwürde ýerine ýetiren işleriniň netijeleri hem-de 2015-nji ýyl üçin iş meýilnamalary bilen baglanyşykly meseleler girizildi. Mejlisde nygtalyşy ýaly, Pudagara topary tarapyndan dünýä tejribesi we türkmen halkynyň demokratik ýörelgeleri hasaba alnyp, döwletiň we jemgyýetiň hukuk esaslaryny mundan beýläk-de pugtalandyrmak boýunça uly işler geçirildi. Hususan-da, milli Liderimiz tarapyndan başy başlanan özgertmeleriň strategiki esasy bolan milli kanunçylygy kämilleşdirmek maksady bilen Pudagara topary häzir hereket edýän kadalaşdyryjy – hukuk namalaryna syny amala aşyrdy we Türkmenistanyň Mejlisine adam hukuklary babatynda halkara kadalaryny milli kanunçylyga ornaşdyrmak, şeýle hem bu ugurdaky özgertmeleri mundan beýläk hem dowam etdirmek boýunça teklipleriň tutuş toplumyny iberdi. Mejlisiň barşynda, şeýle hem toparyň 2015-nji ýyl üçin iş meýilnamasy kabul edildi we birnäçe beýleki meselelere garaldy.

Soňky habarlar
16.11
Türkmenistanyň Magtymguly adyndaky Ýaşlar guramasynyň agzalaryna hem-de Ýaşlar baýragynyň eýelerine
15.11
Türkmenistan parahatçylygyň, abadançylygyň we ösüşiň ýoly bilen täze sepgitleri nazarlaýar
14.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz paýtagtymyz boýunça iş saparyny amala aşyrdy
13.11
Türkmenistanyň Ministrler Kabinetiniň mejlisi
13.11
M.W.AKMÄMMEDOW hakynda Türkmenistanyň Prezidentiniň PERMANY
13.11
D.G.SÜLEÝMANOW hakynda Türkmenistanyň Prezidentiniň PERMANY
13.11
B.A.ANNAÝEW hakynda Türkmenistanyň Prezidentiniň PERMANY
13.11
N.H.AGAHANOW hakynda Türkmenistanyň Prezidentiniň PERMANY
13.11
A.A.KÜRTOW hakynda Türkmenistanyň Prezidentiniň PERMANY
13.11
Bilelikdäki türkmen-pakistan hökümetara toparynyň türkmen böleginiň düzümi tassyklanyldy
top-arrow