Berkarar döwletiň täze eýýamynyň Galkynyşy döwründe ýurdumyzda maldarçylyk pudagyny ösdürmek, ilatyň et, süýt önümleri bilen üpjünçiligini has-da gowulandyrmak, maldarçylyk önümlerini öndürmek, gaýtadan işlemek, mallaryň önümliligini ýokarlandyrmak, şeýle hem azyk bolçulygyny has-da pugtalandyrmak maksady bilen, Türkmenistanyň Prezidenti Karara gol çekdi.
“Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda” we “Bitarap Türkmenistanyň daşary syýasat ugrunyň 2022 — 2028-nji ýyllar üçin Konsepsiýasynda” öňde goýlan wezipelere laýyklykda hem-de Türkmenistanyň daşary ykdysady işini mundan beýläk-de ösdürmek üçin halkara we sebitleýin maliýe institutlary bilen işjeň hyzmatdaşlygy ilerletmek maksady bilen, Türkmenistanyň Prezidenti Karara gol çekdi.
Berkarar döwletiň täze eýýamynyň Galkynyşy döwründe Garaşsyz Diýarymyzda gazanylýan üstünlikler, amala aşyrylýan düýpli özgertmeler hemişelik Bitarap Watanymyzy dünýäniň ösen ýurtlarynyň birine öwürýär. Amala aşyrylýan tutumly işler merdana halkymyzyň abadan we bagtyýar durmuşda ýaşamagy, jemgyýetimiziň mundan beýläk-de kämilleşmegi üçin amatly şertleri döredýär. Bedew bady bilen öňe barýan berkarar ýurdumyzyň gazanýan bu üstünliklerinde, ýetýän belent sepgitlerinde zähmetsöýer zenanlaryň paýy uludyr.
«Kazyýet hakynda» Türkmenistanyň Kanunynyň 54-nji, 56-njy, 72-nji we 83-nji maddalaryna laýyklykda, karar edýärin:
Maksat Ataberdiýewiç Paşanakowy Balkan welaýatynyň Balkanabat şäheriniň häkimi wezipesine belläp, ony Balkan welaýatynyň häkimliginiň iş dolandyryjysy wezipesinden boşatmaly.
Bäşimdurdy Jumaýewiç Mämedowy Daşoguz welaýatynyň Görogly etrabynyň häkimi wezipesinden boşatmaly.
Kakamyrat Gutlyýewiç Orazgulyýewi Daşoguz welaýatynyň Görogly etrabynyň häkimi wezipesine bellemeli.
Türkmenistanyň Prezidentiniň Karary bilen, Balkan welaýatynyň Balkanabat şäheriniň häkiminiň orunbasary Myrat Nazarow Balkan welaýatynyň Balkanabat şäheriniň häkiminiň wezipesini wagtlaýyn ýerine ýetirmekden boşadyldy.
Öwezgeldi Amanberdiýewiç Goşjanowy, başga işe geçmegi sebäpli, Balkan welaýatynyň Balkanabat şäheriniň häkimi wezipesinden boşatmaly.
Türkmenistanyň Prezidentiniň Karary bilen, Begenç Rozyýewiç Miminow Türkmenistanyň daşky gurşawy goramak ministriniň orunbasary wezipesinden boşadyldy.
