Iň täze habarlar

IŇ TÄZE HABARLAR

22.06.2017 | TNGIZT täze önümi - biosnougurly polipropilenden plýonkalary çykarmaga taýýarlanýar

Önümiň täze görnüşi bolan iki dürli (içi görünýän bir gatly hem-de soekstruzion, ýagny köp gatly) gaplaýjy plýonkalary çykarmagyň özleşdirilmegi Indoneziýanyň “P.T.Istana karang Laut” kompaniýasynyň gatnaşmagynda alnyp barylýar. Bu kompaniýa kärhanada enjamy gurnady hem-de onda işe goýberiş-sazlaýyş işlerini geçirdi.


22.06.2017 | Garlykdaky kaliý kombinatyndan mineral dökünleriň müň tonnadan gowragy ýüklenilip ugradyldy

Merkezi Aziýada iň iri dag-magdan baýlaşdyryjy kärhana bolan Garlykdaky kaliý kombinatynyň duzly şahtasyndan ýerasty käniniň ýüz müň tonnadan gowragy gaýtadan işlemek üçin çykaryldy. Senagat toplumynyň açylyş dabarasyndan bäri täze kärhanada bolsa, eýýäm ilkinji uly sepgide ýetildi: Lebap, Mary, Ahal, Daşoguz we Balkan welaýatlarynyň oba hojalyklaryna awtomobil we demirýol ulaglary arkaly mineral dökünleriniň müň tonnadan gowragy ýüklenilip iberildi. Ýük wagonlarynyň onusy demir ýol şahasy boýunça Owganystana ugradyldy.


22.06.2017 | Söwda ulgamyna ýurdumyzda öndürilen LED-lampalarynyň ilkinji müňlerçesi gelip gowuşdy

Senagat ministrliginiň hem-de Senagatçylar we telekeçiler birleşmesiniň ýardam bermeginde döredilen “Aýdyň gijeler” hojalyk jemgyýetiniň hünärmenleri dürmuş we senagat otaglary üçin ýagtylandyryjy diotly yşyklandyryjylar bolan LED-lampalarynyň iki milliona golaýyny öndürdiler. Ýurdumyzyň bazarlaryna hem-de ýöriteleşdirilen söwda kärhanalarynyň tekjelerine Watanymyzda öndürilen ýagtylandyryjy elektron abzallarynyň müňlerçesi ilkinji gezek gelip gowuşdy.


22.06.2017 | Dünýäniň absolýut çempiony Konstantin Szýu –boks boýunça Türkmenistanyň çempionatynyň hormatly myhmany

Şu günler Aşgabatda boks boýunça Türkmenistanyň çempionaty dowam edýär, oňa ýurdumyzyň ähli welaýatlaryndan 120-ä golaý türgen gatnaşýar. Şu gezekki ýaryşlar aýratyn ähmiýetlileriň hataryna girer, sebäbi hormatly myhmanlaryň arasynda belli türgen, dünýäniň absolýut çempiony Konstantin Szýu.


22.06.2017 | Türkmenistanyň Prezidenti: medeniýet we sungat işgärleri Aziýadanyň geçirilmegine mynasyp goşantlaryny goşarlar

Hormatly Prezidentimiz Gurbanguly Berdimuhamedow türkmen paýtagtynda bat aljak Medeniýet hepdeligine gutlagyny iberdi.


21.06.2017 | Döwlet Baştutanymyz paýtagtymyzy ösdürmegiň we Aziada-2017-ä taýýarlygyň meseleleri boýunça maslahat geçirdi

Şu gün hormatly Prezidentimiz Gurbanguly Berdimuhamedow paýtagtymyzyň häkimliginde ýurdumyzyň baş şäherini ösdürmegiň möhüm meselelerine we geljekki ugurlaryna bagyşlanan maslahat geçirdi. Maslahatda paýtagtymyzyň düzümlerinde Ýapyk binalarda we söweş sungaty boýunça V Aziýa oýunlarynyň geçirilmegine görülýän taýýarlyk meselelerine garaldy.


21.06.2017 | Türkmenistanyň DIM-de BMG bilen hyzmatdaşlyk babatyndaky duşuşyk

Daşary işler ministrliginde “Birleşen Milletler Guramasy-Merkezi Aziýa: sebitleýin gatnaşyklary giňeltmegiň taryhy, ykdysady we durmuş ugurlary” ady bilen “tegelek stoluň” başyndaky duşuşyk geçirildi.


21.06.2017 | “Halkara ykdysady hyzmatdaşlygy-2017” atly köpugurly sergi öz işini tamamlady

Şu gün paýtagtymyzda Söwda-senagat edarasynyň guramagynda geçirilýän “Halkara ykdysady hyzmatdaşlygy-2017” atly köpugurly sergi öz işini tamamlady.


21.06.2017 | Türkmenistanyň Prezidenti Gurbanguly Berdimuhamedow watandaşlarymyzy mübärek Gadyr gijesi bilen gutlady

Türkmen halky müňýyllyklaryň dowamynda örän köpöwüşginli we çuňňur pelsepä ýugrulan tämiz ahlaklylyk, päk wyždanlylyk, adamkärçilik, şükranalyk, birek-birege hormat we sarpa goýmak ýalydessurlary döredipdir--diýlip gutlag hatynda aýdylýar.


20.06.2017 | Döwlet howpsuzlyk geňeşiniň mejlisinde ýurduň ulag-üstaşyr mümkinçiliginiň ýerine ýetirilişi ara alnyp maslahatlaşyldy

Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow Döwlet howpsuzlyk geňeşiniň göçme mejlisini geçirdi. Onuň gün tertibine milli durmuş-ykdysady ösüş babatda harby we hukuk goraýjy edaralaryň öňünde durýan wezipeler hem-de bu düzümleriň maddy-enjamlaýyn binýadyny yzygiderli berkitmek bilen baglanyşykly meseleler girizildi. Döwlet gümrük gullugynyň täze binasynda geçirilen mejlisde şeýle hem ýurdumyzyň ulag-üstaşyr kuwwatyndan netijeli peýdalanmaga ýardam bermek hem-de bu ugurda geljek uly ugurlary kesgitlemek meselesine hem garaldy.



 

Copyright 2012-2019 Türkmenistanyň Döwlet habarlar agentligi - Türkmenistan bu gün


Flag Counter